من غير ليه ؟؟؟؟؟

لا اعلم كيف لى ان تتجدد طاقة جديدة بداخلى كل يوم و انا لازلت اترنح بين سكرات الهوى .............. كيف لى ان اكون اليوم بين اجمل السحب و فى الغد اكون غارقة بين حمم بركان يثور.......... أأنت من كانت تتمنى نفسى ؟؟؟؟   ام اننى قد كنت ضحية لاكذوبة نسجها خيالى من سراب ليس له كيان .......... يا من كنت امنى نفسى بالعيش بين احضان هواه ......... يا من كانت خيالاتى تصور لى  اننى سأبنى معه قصورا من هيام ..... كنت اتمنى ان افيق يوما و اجدنا تجمعنا دار واحدة و لكنى لا اجد لاحلامى اساس ................. و صرت احلم و احلم و احلم و أمنى نفسى بحبال الغرام .............. فأنا ما كنت اعلم انى سأفيق يوما على اكبر عذاب ............ فحبال الحب بالية و من تعلق بها صارت حياته وبال ............... 

الواد الفتك

فرحان؟؟؟؟؟ ........... اكيد فرحان ....... ما إسمك الوحيد اللى على موبايلها......... واسمك الوحيد اللى على الفايسبوك بتاعها......... و الحمد الله مانت لبّستها الحجاب بعد ما كانت بشعرها ........... طولت الطرحة بعد ما كانت لابساها سبانيش..........  لبست جونلة بعد ما كانت لابسه  استرتش  " و طبعا الفضل لخوفك من الذئاب البشرية اللى انت اكييييد مش واحد منهم" ......... بقى ليها ظابط و رابط دلوقتى مانت حامى الحمى ديك البرابر انت اللى بتستأذن منه و هى نازله و هى طالعة على اساس ان ملهاش اهل يسألوا فيه .......... يا جميل انت يالى حميتها و لميتها بعد ما كانت دايرة على حل شعرها ........... و البنت يا عينى كل غلطتها انها للأسف حبت واحد معرفش يعمل راجل غير عليها .............ايييييييييه؟؟؟؟؟؟؟؟؟ ............. فاكر نفسك ايه؟؟؟؟؟؟؟؟؟...........عمك ده متروحيش عنده اصل عنده ابن عنده 10 سنين ................... و خالك ده عنده ولد عنده سنتين و مبحبكيش تبوسيه......... اما خالتك بقى انا عارف انها مش متجوزة و قاعد ة لوحدها فى البيت يعنى عادى لو بيتى عندها بس مقدرش اسيبك تباتى عندها اصل بيتها يا حبيبتى بعيد عن بيتى و مش حبقى مطمن عليكى " على اساس انك بواب بيتها " .......... 

نماذج كتييييييير اوى مسخ لرجال ......... انما فى الحقيقة هما ناقصلهم طرحة علشان من ضمن الاقوال الى مؤمنين بيها " ناقصات عقل و دين " مش عارفين التفسير الصحيح للحديث ............ فاكرين ان ربنا خلق الست بعقل مش قادر على انه يقودها  للطريق 

مع ان فى الحقيقة اللى بيعامل اخته او حبيبته او خطيبته او مراته كدة هو اللى ناقص عقل و دين

ناقص عقل عشان مش عارف ان اى بنت متعرفش غير انها تعمل اللى هى عيزاه ........ لو مكنش من قدامه حيبقى من وراه مش حبا فى التمرد قد ما هو حب لاثبات ذاتها.............  اثبات كيانها ........ و بعدين احساسها بانها بتعمل كل اللى هى عايزاه و هو طرطور ده احساس لا يقاوم الصراحة .............. احساس انها بتهزم ضعفها احساس برضه ملهوش مثيل .......... 

البنت بتحب تحس بضعفها اه.......... لكن لازم تحس باهميتها فى اختيار اصغر تفصيله فى حياتها .......... انك تنزع منها الحق ده و تقمع تفكيرها ده قمة نقص العقل 

اما نقص الدين فى انك بتفرض سيطرتك من غير وجه حق على كائن ربنا خلقه زيه زيك و فضله عليك كمان ........ربنا جعل الجنة تحت اقدام الامهات اللى هما بنات برضه .........

لازم تفكر بدل ما تمنعها حسسها بانها سيدة القرار ......... احساسها ده حيزود حبها ليك و حيكبرك فى عنيها .......... حسسها ان اللى بتقولها عليه لأ انت كمان مش بتعمله لانك زى ما عايزها تحبك انت لازم تحبها ...........ساعتها حتلاقيها هى اللى بتقولك رايحة فين و جاية منين عشان حابة تكون انت مرجعها .......حتلبس نقاب عشان مش حابة عين حد تشوفها غيرك ....... حتقولك مش حروح عند خالتى عشان بتكسف من ابنها ......... 
متكسرش جواها كل حاجة حلوة لمجرد عقد نفسيه و بتطلعها عليها عشان البنت لما بتنجرح مفيش طبيب عالارض يقدر يداوى الامها   

انا اهو :)

من فترة كبيرة قوى ابتديت ادور على نفسى بس الحقيقة كنت بفشل كل مرة انى الاقيها ......... و مكنتش حتى ببقى عارفة ايه سبب فشلى ....... و للاسف دى حاجة وحشة جدا انك تفشل فى اهم حاجة لازم اى حد يعملها.......... انه يدور على نفسه ............. و للاسف برضه الحاجة دى مينفعش حد يعملهالك ........  ممكن حد يديك  بداية خيط بس للاسف محدش عطانى بداية خيط ............. ده غير ان التقلبات النفسيه و المزاجيه اللى دائما بمر بيها مش مناخ صالح ابدا ان حد يدور على اى حاجة .......سنين كتير بدور ......... بشوف ناس كتير من  سنى و اصغر محددين و عارفين طريقهم و انا كنت زى اللى تايه فى عرض البحر الموج يوديه و يجيبه .............. احساس وحش  قوى .......... خصوصا لما يبقى بجد عندك طاقة كبيرة جدا و مش لاقى حاجة تطلعها فيها كنت دايما بفكر فى حاجات اعملها و كلها بعيدة عندى جدا ........... و حتى اى حاجة ليها علاقة بالرسم و الالوان و الحاجات دى انا فاشلة فيها جدا ......... انا حتى مش بعرف اظبط لون بلوزه على لون بنطلون و تطلع حاجة جامدة و البسها .............. الخيارات بتضيق عليا و انا مش مش لاقيه حاجة!!!!!!!!!! ............ طب التصوير ؟؟؟؟؟؟؟؟ .......... برضه فاكس ........ طب طب الغنا؟؟؟؟؟ ........... بحبه جدا بس صوتى مش قد كده  ...........طب ايه طيب ؟؟؟؟؟  .........حاجة ليها علاقة بالكمبيوتر و التصميم ؟؟؟؟؟؟؟ ............. انا اصلا بكره الكمبيوتر ........ ايه يا جدعان انا حقضى حياتى   فطيس كدة و معملش حاجة!!!!!!!!!!!! ............ ايه طيب ؟؟؟؟؟؟ .......... حرام و الله.................. بس انا لو كنت بصيت تحت رجليا فعلا مكنتش ضيعت 20 سنة بدور عليا جوايا ................  الحاجتين اللى بجد مكنتش بقطعهم طول 20 سنة هما الكتابه او الرغى يعنى  و الطبخ ................  انا بكتب كتير جداااااااااا و كل حته ممكن احط فيها الورق بحط ......... انا بقالى سنين كتب الدراسة بتاعتى حطاها عالمكتب من فوق علشان مفيش مكان فى الدرج لانه ملييااااااااااااان ورق انا كتباه ................... الحيطة مش رحماها من الورق .......... حتى دولاب هدومى فى ورق انا كتباه ........... (و مع كل الورق ده و انا لسه عاميه و قال ايه بدور بدور على نفسى على رأيك يا جخ خيابة و هم ) ......... مقدرش افتكر انا ابتديت كتابه امتى بس يمكن فى الابتدائى كان ليا محاولات تأليف اغانى "بس كانت فاشلة جدا " .......... بس اقدر اللى اعرفه انى اتولدت رغايه و لوك لوك لوك لوك ........... امى بتقول انى نطقت عندى 5 شهور ............... يعنى رغاية من يومى 
اما بقى الطبخ فده حاجة بجد بحبها جدا .......... لانى بجد بحب الاكل " بس مش طفسه "............. و برضه بقالى 20 سنه بطيخ لان امى بتقولى برضه ان كان اهم دولاب بالنسبالى و انا صغيره هو دولاب المطبخ............. و بتقولى انها كانت دايما تدخل تلاقينى كبيت الدقيق و السكر و بلعب فى برطمان السمنه "مع انى لما كبرت مش بحب الحلويات بس مش مهم المهم انى اتولدت عاشقة للطبخ " ........... و على مدار سنين حياتى صحيح كنت اسهى ماما و اخش اعك فى الطبخ .......... تروح الشغل مسيبش الفرن ....... تنام بالليل برضه انا فى المطبخ بعك ......... و للاسف فعلا كنت بعك و اخويا الغلبان كان بياكل .......... و بعدين كنت برفض اعمل اكل زى اللى بتعمله ماما لانى دايما بحب يبقى ليا شخصيتى المستقلة " اصل انا لو عملت اكل زى اللى هيا بتعمله يبقى استفدت ايه؟؟؟؟" لازم التغيير 
............. الحمد الله انا لقيت نفسى الى كنت بدور عليها من زمان قوى ......... عرفتها متأخر بس كان لازم الاقيها ................ححاول ابص تحت رجليا بعد كده بس اهم حاجة انى افضل احاول و منهزمش ابدا