عقلك اهم من قلبك

مانا لازم اكتب ......... مش حينفع اسكت خلاص اكتر من كده ............. تعبت و لا زم اتكلم .............. حاسه ان كل حاجة قدامى غلط......... اوى كمان مش غلط عادى ............ بجد احنا امتى حنتخلص من العاطفيه الى احنا فيها دى و نبتدى نفكر بعقلنا شويه..........امال ربنا كرمنا بمخنا ليه؟؟؟؟؟؟؟؟؟ عشان نفكر بقلبنا مش كده ؟؟؟؟ ................ امتى حنعرف ان ربنا لما انعم علينا بنعمة القلب عطاه لنا عشان نبقى سعداء ........... و لما انعم علينا بنعمه العقل عطاه لينا عشان نبقى مرتاحين ........... عايزه اقول لكل الناس ان انهم يفكروا بعقلهم قبل ما يتصرفوا.................. عايزه اغير مفاهيم كتيره قوى ........... اولها ان الحب مش  بس فى اننا نبقى مع اللى بنحبهم .............. الحب فى اننا نبقى عارفين انهم كويسين و سعداء حتى و هما مش معانا  ............ لازم نفهم ان سعات اننا نضحى باننا نكون مع بعض احسن ما نضحى ببعض واحنا جنب بعض .......... انتم عارفين الصحرا مش متعمره ليه؟؟؟؟؟؟
................. عشان كل واحده عايزة ابنها جنبها حتى لو مش مرتاح و حتى لو بعد عنها و كان دخله اكبر ..................... عارفين نسبه الطلاق فى مصر عاليه ليه ؟؟؟؟؟؟؟؟ ............... عشان مرايا الحب عاميه و كل واحده بتحب واحد بتتعمى عن عيوبه و بتفتكر انها حتقدر تتأقلم رغم انهم لو ما اتجوزوش ممكن الحب اللى فى قلبهن يفضل كبير و يفضلوا متمتعين بيه طول العمر ............... لكن كل الناس بيتعموا عن العيوب و بيجوزوا و ساعتها بتبقى فعلا الجواز مقبره الحب ............. مش قادرين يفهموا ان العمليات العقلية حاجة و العمليات القلبية حاجة تانية ................... لما ربنا بيحط الحب فى قلب حد لحد تانى دى حاجة مش بتاعتنا ............... انما لما نقرر اننا نعيش مرتاحين سواء كنا مع بعض او بعاد عن بعض ف دى حاجة بتاعتنا دى حاجة احنا اللى بنقررها و احنا اللى بنعملها
..................... حياتنا ملك عقلنا اوعى نخلى قلبنا يبوظها .............. انا مش ضدد الحب ............ انا ضد اننا نهد حياتنا تحت ..............مسمى الحب .....................
نفسى كل اب و ام يسيبوا ولادهم يعيشوا الحياة اللى يختاروها و يعطلوا قلبهم شوية عن التفكير و يشغلوا عقلهم ............ لازم يعرفوا ان قمة الحب انك تختار بعقلك

................... نفسى اقول لكل ولد و بنت امشى فى حياتك بعقلك و اختار صحابك و شريك حياتك بعقلك مش بقلبك حتى لو ده حيبعدك عن اللى بتحبه و صدقونى ساعتها بس حتحس بالراحة ...............