بس يا ولية ..... بس يا ولية

"ما هو لا كان حيورث ولا حاجة دى كلها اشاعات "

جملة خرمت ودانى من ست كانت بترغى مع صاحبتها و هما ماشيين فى الشارع ورايا
الحقيقة صدمة الجملة مخلتنيش غير انى من كتر نرفزتى صوتى اللى فى دماغى على ووصل لحنجرتى و لاقتنى بقول كانى بزعق فيها  " بس يا ولية بس يا ولية "

فى اللغة العربية ولية .... هى التى تولول على زوجها لما بعد ما يموت

صاحبتنا لو كانت بتولول على جوزها كان حيبقى اكرملها ...... لان جوزها اكيد مش حرامى ...... و حتى لو حرامى فمش حرامى كبير يعنى تلاقيه كان بيسرق عشان يكمل اكل بقية الشهر ........ و حتى لو كان جوزها حرامى كبير فمش سفاح ....... ده حتى لو سفاح .... فهو مش خاين او عميل باع ارضه و كرامته عشان اسرائيل او عشان خونه تانيين
فى كل الاحوال صواتها على جوزها ارحم كتييييييييييييير من صواتها على المخلوع

و بعد شوية و انا ماشية لقيت يافتة مكتوب عليها
 " من اجل 83 شهيد ححترم القانون و ححافظ على نظافة بلدى مش حكسر اشارة ........ الخ "

اذا كان الوليه صاحبتنا مش متاكدة ان اللى مات ده مات عشان هى و ولادها يعيشوا حياه احسن ..... يبقى ازاى بعد كدة تحترم حق الشهيد؟؟؟؟؟
اسوء حاجة فى بلدنا الجهل
أفه ملهاش مثيل ............. و مرض اعضل من السرطان

احمى مصر من الجهل و الجهلاء يا رب