بكتب

وأرجع تاني وأقولك ريَّحني الله يخليك .. عشان المركب تقدر تمشي بيّا وبيك ..

هي بـ"الراحة" بس تقدر المركب تمشي ؟!

الراحة كفاية ؟!

طب هي الراحة بتتضمّن الأمان وعدم الخوف ؟!

أنا نفسي ما أخافش .. نفسي تصرفاتي ما تصدرش عن أي نوع من الخوف ..

بس الخوف كُل يوم بيزيد .. والجهل يوم عن يوم بيكبر ..

الوقت قُليل والأيام بتمُر .. 

أنا مشاكلي من عشر سنين هيّ هيّ ..

أكيد العيب فيّا .. عايزة أبطّل أخاف ..

أنا كُل حاجة غير اللي كُنتها وأنا صُغيرة .. 

الناس اللي جوّايا كتير أوي .. 

ملخبطنّي .. مخلينّي مش عارفة أنا مين فيهم .. 

هكتب .. وهكتب وهكتب .. 

لا عُمرُه خلّى القلب يفرّح فرحة بجد .. ولا عُمرُه خلّى حد يطمِّن لحد ..

لقيتها مكتوبة على قصاصة ورق كتبتها تقريبًا من 8 سنين .. ولسة بكتبها ..

هزرع نبتة ياسمين مُقدسة .. الأغصان عليّا تميل .. تمسحلي في دمعة عيني .. 

إنتِ ليه دايمًا بتكتبي عن بنات عندهم مشاكل ؟!

:)