ما بين كدا و كدا ..

يا أم الجليب الطيب ..

يا أم الجليب الصافي ..

إنتِ أطيب واحدة في الدُنيا ..

يا بنت الكلب ..

إنتِ عبيطة وهبلة ..

إنتِ أكتر واحدة مش مبتذلة ..

إنتِ مجنونة ..

إنتِ طيبة وأنا بحبك بحبك بحبك  ..

من كُتر ما إنتِ كويسة أنا بستغرب إن بيحصل معاكي كدا ..

إنتِ أعقل واحدة عرفتها وهبعتلك أختي تتعلِّم منك ..

إنتِ مخك كبير ..

نفسي تعقلي قبل ما أموت ..

بحب أتكلم معاكي عشان مش تافهة ..

إنتِ مش زي البنات اللي في سنِّك ..

بطّلي الصراصير اللي في دماغِك ..

بحبك يا مرامي ..

كُل سنة وإنتِ .. مُختلِفة ..

إنتِ فرحة عُمري ..

إنتِ أخبث بني أدمة عرفتها في حياتي ..

طيبة إيه دا خُبث ..

بتتمسكني لحد ما تتمكني ..

إنتِ شيطان ..

هكسرلِك عندِك دا ..

هو عنده حق .. ما غلطش معاكي في حاجة .. 

ربي إصرف عنّي من يُظِهر محبتي وفي داخلِه كل خبيث ..

كان عندها حق لمّا قالتلك إنك خبيثة ..

طمنيني عليكي ..

فين مرام ؟!

هي مرام هتفضل مُختفية كدا كتير ..

إنتِ خُنتي ثقتي فيكي ..

أنا وثقت فيكي أكتر من اللازم عشان كدا جرحتيني أكتر من اللازم ..

إنتِ جزمة وحيوانة ..

إنتِ صعلوكة ..

إنتِ كذابة ..

بطلي تمثيل بقى ..

دموع تماسيح ..

بلاش الشغل الرخيص دا  ..

كُل اللي ما حبّوكيش دول ربنا نجاهم منِّك ..

أنا ما عنديش طاقة لعندك ..

أنا مش عايز أعرفِك تاني .. إنتِ من طريق وأنا من طريق ..

هتفضل فرحة عُمري  ..